ملتان : پاکستان تحریک انصاف کے رہنما شاہ محمود قریشی کا کہنا ہے کہ مسلم لیگ ن میں دو گروپ بن گئے ہیں۔

تفصیلات کےمطابق پاکستان تحریک انصاف کے وائس چیئرمین شاہ محمود قریشی کا کہنا ہےکہ توقع ہے آئندہ ہفتے پاناما کا فیصلے آئے گا اورامید کرتے ہیں فیصلہ عوامی امنگوں کے مطابق ہوگا۔

شاہ محمود قریشی کا کہنا تھا کہ قوم چاہتی ہےکرپٹ طبقےکوکٹہرےمیں لایاجائے۔ انہوں نےکہا کہ ہم ہم انتظارکےموڈ میں ہیں،جہاں اتنا صبر کیا تھوڑا اورکرلیں گے۔

تحریک انصاف کے رہنما کا کہنا تھا کہ نواز شریف کوئی منی ٹریل نہیں دے سکے۔ انہوں نے کہا کہ ملکی خزانہ لوٹنےوالوں کوقوم کیوں بخشے۔

عدالت عظمیٰ نے دونوں فریقین کو پورا وقت دیا جبکہ پہلے5 ججز کے سامنے موقف رکھا 2 نے وزیراعظم کو نا اہل کہا۔

وزیر اعظم خود منصب چھوڑیں یا سزا کے بعد فیصلہ انہیں کرناہے،عمران خان

واضح رہے کہ گزشتہ روز پاکستان تحریک انصاف کے سربراہ عمران خان کا کہنا تھا کہ وزیراعظم خود منصب چھوڑیں یا سزا کے بعد فیصلہ انہیں کرنا ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔