The news is by your side.

Advertisement

جمعتہ الوداع ، کراچی میں ڈیڑھ ماہ بعد سخت لاک ڈاؤن ختم، نماز جمعہ کے باقاعدہ اجتماعات ہوں گے

کراچی : شہر قائد میں پینتالیس دن بعد بارہ سے تین بجے تک سخت لاک ڈاؤن ختم ہوگیا ، جمعتہ الوداع کی نماز مساجد میں اداکی جائے گی، سندھ حکومت کی علمائےکرام اورنمازیوں سےایس اوپیزپر عمل کرنے کی اپیل کی ہے۔

تفصیلات کے مطابق کراچی میں جمعے کے موقع پر ڈیڑھ ماہ بعد سخت لاک ڈاؤن ختم کردیا گیا ، پینتالیس دن بعد آج بارہ سے تین بجے تک لاک ڈاؤن نہیں ہوگا اور جمعتہ الوداع کے اجتماعات کے لئے مساجد کے راستوں میں کوئی رکاوٹ نہیں ہوگی، تمام مساجد میں مقررہ وقت کے مطابق نمازجمعہ ادا کی جائے گی۔

سندھ حکومت نے علمائےکرام اورنمازیوں سےایس اوپیزپر عمل کرنے کی اپیل کرتے ہوئے کہا ہے کہ ایس اوپیز پرعمل درآمد کےلئےشہریوں کی ہر ممکن مدد کی جائے گی تاہم ڈبل سواری پر پابند اور ایس او پیز پر عمل درآمد کے احکامات برقرار رہیں گے۔

مفتی محمد نعیم کا کہنا ہے کہ جمعة الوادع ایس او پیز کے تحت ہی ادا کیا جائے گا، وباسےنمٹنےکیلئے توکل کے ساتھ احتیاط بھی ضروری ہے ، ایسانظام تشکیل دیاجائےکہ احتیاطی تدابیرکے ساتھ ملکی نظام چلتا رہے۔

یاد رہے اس سے قبل نماز جمعہ کے موقع پر دوپہربارہ سےساڑھے تین تک سخت لاک ڈاؤن ہوتا تھا ،اس دوران گھر سے نکلنے سمیت تمام سرگرمیوں پر پابندی عائد تھی اور صرف متعین کردہ تین سےپانچ افرادکو نماز جمعہ مسجد میں ادا کرنےکی اجازت تھی۔

fb-share-icon0
Tweet 20

Comments

comments

یہ بھی پڑھیں