لاہور : سرکاری ملازمین کیلئے پنشن میں اضافہ ختم ہونے سے متعلق اہم خبر آگئی ، بندش کا آغاز آج سے ریٹائر سرکاری ملازمین پر ہوگا۔
تفصیلات کے مطابق پنجاب کے محکمہ خزانہ نے 3 طرز کی پنشن میں سالانہ اضافہ ختم کردیا اور اس حوالے سے نوٹیفکیشن بھی جاری کردیا گیا۔
نوٹیفکیشن میں کہا گیا ہے کہ پنشن میں اضافے پر بندش کا آغاز آج سے ریٹائر سرکاری ملازمین پر ہوگا۔
سیکرٹری خزانہ نے تمام انتظامی سیکرٹریزاور سربراہوں کو مراسلہ بھیج دیا ہے ، جس میں کہا ہے کہ محکمہ خزانہ کے2015 کے مراسلے کے تحت جاری پنشن میں اضافہ ختم کیا۔
نوٹیفکیشن میں کہنا تھا کہ سال 2011 میں جاری مراسلے کے تحت اور فنانس ڈیپارٹمنٹ کے 2022 میں جاری لیٹر کے تحت پنشن میں اضافہ بھی ختم ہوگیا ہے۔
نوٹیفکیشن کے مطابق تمام محکمے 2 دسمبر 2024 کے نئے مراسلے کے تحت پنشن میں اضافہ روکنے کیلئے اقدامات کررہے ہیں۔
