اسرائیلی وزیراعظم نیتن یاہو کا کہنا ہے کہ ہم نے امریکی وزیر خارجہ کو بتا دیا ہے کہ مکمل فتح کے سوا دوسرا کوئی آپشن نہیں، ہم فتح کے بہت قریب ہیں۔
بین الاقوامی خبر رساں ادارے کی رپورٹ کے مطابق اسرائیلی وزیراعظم نیتن یاہو کا امریکی وزیر خارجہ انٹونی بلنکن سے ملاقات کے بعد پریس کانفرنس کرتے ہوئے کہنا تھا کہ اسرائیلی یرغمالی ہمیشہ میرے دماغ میں رہتے ہیں۔
اسرائیلی وزیر اعظم نے کہا کہ یرغمالیوں کی رہائی کے لیے فوجی دباؤ جاری رکھنا ضروری ہے، اسرائیل کو غزہ میں کسی بھی وقت کارروائی کرنے کے قابل ہونا چاہیے۔
اسرائیلی وزیراعظم نے کہا کہ دشمن جانتے ہیں حل یا تو سفارتی راستے سے نکلے گا یا فوجی ہوگا، اس مسئلے کو حل کیے بغیر ہم سکون سے نہیں بیٹھیں گے۔
حماس کے جنگ جوؤں نے مارٹر گولوں سے اسرائیلی کمانڈ سینٹر تباہ کر دیا
نیتن یاہو نے کہا کہ اسرائیلی فوج کو حماس کے آخری گڑھ رفح میں آپریشن کا کہہ دیا ہے۔غزہ کی حکمرانی ان کو دی جانی چاہیے جو دہشتگردی کی تعلیم نہ دیں۔
