جماعت اسلامی کراچی کے امیر انجینئر حافظ نعیم الرحمان نے ورلڈکپ میں قومی ٹیم کی ناقص کارکردگی پر کپتان تبدیل کرنے کا مطالبہ کر دیا۔
بھارت کے بعد نسبتاً کمزور ٹیم زمبابوے سے شکست پر حافظ نعیم الرحمان نے سابق کپتان سرفرازاحمد کو دوبارہ کپتانی دینے کی حمایت کر دی۔
ٹوئٹر پر جاری بیان میں انہوں نے کہا کہ سرفراز کو کپتان بنانے کے سوا اور کوئی راستہ نہیں ہے۔
بابر اعظم ایک بہترین پلئیر ہیں، بہترہوگا کہ انہیں کیپٹن شپ کے دباو سے نکالاجائے۔
اس کے علاوہ کوئی راستہ نہیں کہ سرفراز احمد کوفوری طورپر تینوں فارمیٹ کا کیپٹن بنادیا جائے۔#T20worldcup22 #PAKvsZIM pic.twitter.com/6PgAVb1KLv
— Naeem ur Rehman (@NaeemRehmanEngr) October 27, 2022
بابراعظم کو بہترین بلے باز قرار دیتے ہوئے حافظ نعیم نے کہا کہ بابراعظم بہترین کھلاڑی ہیں انہیں کپتانی کے دباؤ سے نکالا جائے اور سرفراز احمد کو تینوں فارمیٹ کا کپتان بنانے کے علاوہ کوئی اور راستہ نہیں ہے۔
واضح رہے کہ ورلڈکپ میں بابراعظم کی کپتانی کو لے کر ماہرین اور سابق کرکٹرز مایوس ہیں اور ان سے ہونے والی غلطیوں کی مسلسل نشاندہی کر کے کڑی تنقید کا نشانہ بنا رہے ہیں۔
