شوبز انڈسٹڑی کے معروف اداکار نعمان حبیب نے علیزے شاہ کے ساتھ کام کرنا مشکل قرار دے دیا۔
اداکار نعمان حبیب سے حالیہ انٹرویو میں سوال پوچھا گیا کہ آپ کے لیے مشکل ترین ساتھی اداکارہ کون سی ہیں؟ جواب میں اداکار نے کہا کہ میرے لیے علیزے شاہ ایک مشکل ساتھی اداکارہ تھیں کیونکہ ان کے ساتھ کام کرتے ہوئے شوٹنگ کے شیڈول میں کافی مسائل کا سامنا کرنا پڑا تھا۔
انہوں نے کہا کہ میں یہ نہیں کہوں گا اس میں علیزے شاہ کی ہی غلطی ہوگی کیونکہ شوٹںگ کا شیڈول پروڈکشن کی جانب سے بھی متاثر ہوسکتا ہے۔
نعمان حبیب نے کہا کہ پروڈکشن والے بھی اکثر طے شدہ تاریخوں شوٹنگ نہیں کرتے اور بعد میں قصور وار اداکار کو ٹھہرا دیتے ہیں۔
اداکار نے کہا کہ اداکار طے شدہ تاریخوں پر ہی شوٹنگ مکمل کروانے کا کہتے ہیں کیونکہ اکثر ایسا ہوتا ہے کہ اداکار کے ایک پروجیکٹ کے بعد کسی دوسرے پروجیکٹ کی شوٹںگ شیڈول ہوتی ہے تو اسے پروجیکٹ کی شوٹنگ بھی وقت پر مکمل کروانی وہتی ہے، اس طرح بہت سارے مسائل ہوتے ہیں۔
نعمان حبیب نے کہا کہ میں نے حال ہی میں علیزے شاہ کے ساتھ ایک پروجیکٹ کی شوٹںگ مکمل کروائی ہے جس میں ہمیں ان کے شیڈول کی وجہ مشکل ہوئی اور شوٹنگ مکمل ہونے میں بہت زیادہ وقت لگ گیا۔
