وزیراعلیٰ پنجاب کیلیے حکومتی امیدوار چوہدری پرویز الہٰی اور متحدہ اپوزیشن کے امیدوار حمزہ شہباز کے کاغذات نامزدگی منظور ہوگئے ہیں۔
اے آر وائی نیوز کے مطابق وزیراعلیٰ پنجاب کے عہدے کے لیے حکومت کے نامزد امیدوار چوہدری پرویز الہٰی اور متحدہ اپوزیشن کے متفقہ امیدوار ن لیگی رہنما حمزہ شہباز نے کاغذات نامزدگی منظور کرلیے گئے ہیں۔
وزیراعلیٰ کے انتخاب کیلیے ووٹنگ کل صبح ساڑھے گیارہ بجے ہوگی۔
واضح رہے کہ سابق وزیراعلیٰ پنجاب عثمان بزدار کا استعفیٰ منظور ہونے کے بعد وزارت اعلیٰ کے حصول کیلیے سیاسی جوڑ توڑ کا سلسلہ جاری ہے۔
گزشتہ روز پی ٹی آئی سے ناراض چھینہ گروپ کے 14 اراکین نے وزیراعلیٰ پنجاب کیلیے چوہدری پرویز الہٰی کی حمایت کا اعلان کیا تھا جب کہ آج ترین گروپ کے3ارکان اسمبلی نے پرویز الہٰی کی حمایت کا اعلان کردیا ہے۔
مزید پڑھیں: ترین گروپ کے تین ارکان نے پھر بغاوت کردی
ذرائع ق لیگ کے مطابق حمایت کرنے والوں میں امیرمحمد، عبدالحئی اوررفاقت گیلانی شامل ہیں، تینوں ارکان اسمبلی مونس الہٰی کے ساتھ ہی اسمبلی پہنچے۔
ق لیگ کے ذرائع کا مزید کہنا تھا کہ ترین گروپ کے مزید ارکان اسمبلی جلد ہی ہمارےساتھ ہوں گے۔
