اسلام آباد : نان فائلرز بڑی مشکل میں پھنس گئے ، اب بیرون ملک سفر نہیں کرسکیں گے۔
تفصیلات کے مطابق سلیم مانڈوی والا کی زیرصدارت سینیٹ کی قائمہ کمیٹی خزانہ کا اجلاس ہوا، کمیٹی نے نان فائلرز کی سمیں بلاک کرنے اور بیرون ملک سفر پر پابندی کی تجویز منظور کرلی۔
چیئرمین ایف بی آر نے بتایا کہ نان فائلر کی سمیں بلاک کر رہے ہیں، آئندہ مالی سال سے ان کے بیرون ملک سفر پر پابندی تجویز کی ہے۔
- Advertisement -
امجد زبیر ٹوانہ نے کہا کہ 24 لاکھ افراد کی نشاندہی کی جو ریٹرن فائل کرنے کے پابند ہیں، پاور ڈویژن سے نان فائلر کے بجلی، گیس میٹرز کا معاملہ بھی اٹھایا۔
جس پر انوشہ رحمان کا کہنا تھا کہ نان فائلر پر پینلٹی بڑھا رہے ہیں ، سمز بلاک کریں یا بیرون ملک جانے سے روکا جائے۔
سینیٹرفاروق نائیک کا بھی کہنا تھا کہ نان فائلر کو فائلر بنانے کیلئے یہ سب اقدامات کرنے ہوں گے۔
