بھارتی فلم انڈسٹری کی ابھرتی ہوئی 32 سالہ اداکارہ نے مبینہ طور پر چھت سے لٹک کر خودکشی کرلی، موت کی اطلا ع اہل محلہ نے پولیس کو دی۔
بھارتی میڈیا رپورٹس کے مطابق 32 سالہ اداکارہ نور مالابیکا داس نے 6 جون کو ممبئی میں اپنے فلیٹ میں زندگی کا خاتمہ کیا۔
اداکارہ کی موت اطلاع 4 روز بعد پولیس کو اس وقت کی گئی جب پڑوسیوں نے ان کے اپارٹمنٹ سے آنے والی بدبو کی شکایت کی۔
اداکارہ نور مالابیکا داس کو آخری بار کاجول کے ساتھ ڈزنی پلس ہاٹ اسٹار سیریز "دی ٹرائل” میں اداکاری کے جوہر دکھاتے دیکھا گیا تھا۔
پڑوسیوں کی شکایت پر پولیس اداکارہ کے اپارٹمنٹ میں پہنچی اور پنکھے سے جھولتی لاش برآمد کی جسے پوسٹ مارٹم کیلئے اسپتال منتقل کیا گیا، آسام سے تعلق رکھنے والی اداکارہ اس فلیٹ میں اکیلی کرائے پر رہتی تھیں۔
اداکارہ کی آخری رسومات میں خاندان کے کسی فرد نے شرکت نہیں کی، ان کی فیملی گزشتہ ماہ تک ان کے ساتھ اسی فلیٹ میں مقیم تھی وہ کچھ دن قبل ہی اپنے گاؤں واپس لوٹے تھے۔ اداکاری کے شعبے میں آنے سے قبل وہ قطر ایئرویز میں بطور ایئر ہوسٹس ملازمت کرتی تھیں،
اداکارہ نور مالا بیکا داس نے چند فلموں اور ویب سیریز میں کام کیا جن میں "سسکیاں”، "واکمان”،”تیکھی چٹنی”،”جگھنیا اپایا”، "چرم سکھ”، "دیکھی ان دیکھی”، اور "بیکروڈ ہسٹلے” شامل ہیں۔
