The news is by your side.

Advertisement

وزیر مذہبی امور 5 روزہ دورۂ سعودی عرب کے بعد اسلام آباد پہنچ گئے

اسلام آباد: وزیرِ مذہبی امور پیر نور الحق قادری سعودی عرب کا 5 روزہ دورہ مکمل کرنے کے بعد آج اسلام آباد پہنچ گئے ہیں۔

تفصیلات کے مطابق مذہبی امور کے وزیر پیر نور الحق قادری نے سعودی عرب کا 5 روزہ دورہ مکمل کر لیا اور آج اسلام آباد واپس پہنچ گئے۔

وزیر مذہبی امور نے دورہ سعودی عرب کے دوران حج انتظامات کا تفصیلی جائزہ لیا، اور سعودی وزیر حج اور متعلقہ حکام سے تفصیلی ملاقاتیں کیں۔

پیر نورالحق قادری نے دورے کے دوران مکہ اور مدینہ میں پاکستان ہاؤس کا بھی دورہ کیا، اور حج کوٹے میں اضافے پر سعودی حکام کا شکریہ ادا کیا۔

وزیر مذہبی امور نے سعودی حکام سے ائیر پورٹ میں حاجیوں کو سہولیات فراہم کرنے سے متعلق بھی بات چیت کی، اور منیٰ، مزدلفہ، عرفات میں پاکستانی حجاج کے لیے انتظامات کا جائزہ لیا۔

یہ بھی پڑھیں:  وزیرمذہبی امور کی سعودی وزیرحج سے ملاقات، حج انتظامات پر تفصیلی گفتگو

دورے کے دوران حاجیوں کی رہایش اور عمارتوں کے حوالے سے بھی انتظامات کا جائزہ لیا گیا۔

یاد رہے کہ سعودی وزیر حج ڈاکٹر صالح بن طاہر نے پیر نور الحق سے ملاقات میں کہا تھا کہ حجاج کرام کے آرام اور سہولت کا خیال رکھنا ان کے فرائض میں شامل ہے، پاکستان کے دیگر شہروں کا روڈ ٹو مکہ میں شمولیت کا جائزہ لیا جائے گا۔

گزشتہ ماہ پاکستان کو روڈ ٹو مکہ منصوبے میں شامل کرنے سے متعلق اہم پیش رفت سامنے آئی تھی، منصوبے کے تحت رواں سال 90 فی صد پاکستانی عازمین حج کی امیگریشن پاکستان میں ہوگی۔

Comments

comments

یہ بھی پڑھیں