اسلام آباد : وفاقی وزیر مذہبی امور نورالحق قادری کا کہنا ہے کہ سرکاری سطح پرسیرت طیبہ ﷺکے گوشوں کو اجاگر کرنے کا اہتمام کیا جائے گا ، وزیراعظم سربراہان مملکت اور حکومتوں سے فون پر بات کریں گے۔
تفصیلات کے مطابق وفاقی وزیر مذہبی امور نورالحق قادری نے اپنے بیان میں کہا ہے کہ سرکاری سطح پرسیرت طیبہ ﷺکے گوشوں کو اجاگر کرنے کا اہتمام کیا جائے گا، وزیراعظم کی جانب سے اورسفارتی سطح پر اقدامات کیےجارہےہیں ، کچھ سربراہان مملکت اور حکومتوں سے وزیراعظم فون پر بات کریں گے اور مسلمانوں کے جذبات سے آگاہ کریں گے۔
نورالحق قادری کا کہنا تھا کہ جامعہ الازہرکے شیخ نےچارلی ایبڈو کے خلاف قانونی اقدام کی طرف اشارہ کیا، اس حوالے سے شیخ الازہر سے رابطہ کریں گے، واضح ہونا چاہیے کہ آزادی اظہاررائےکی حد کیا ہے۔
وفاقی وزیر نے کہا کہ کیا کروڑوں مسلمانوں کی دل آزاری آزادی اظہاررائے ہے، آزادی اظہاررائےسےمتعلق عالمی رہنماؤں کی کانفرنس پربات کی جائے گی اور مختلف مسلمان ممالک میں مذہبی مراکزسے رابطہ کیا جائے گا۔
ان کا کہنا تھا کہ پاپ کوبھی عالمی امن کونقصان پہنچنےسےمتعلق آگاہ کیاجائےگا اور یورپ اورامریکامیں انصاف پسندمذہبی طبقات کی حمایت کی کوشش کی جائےگی جبکہ وزیراعظم مختلف ممالک کےسربراہان کو خط لکھیں گے۔
