اسلام آباد : وزیرمذہبی امورنور الحق قادری سعودی عرب روانہ ہوگئے، دورے کے دوران وہ سعودی حکام سے ملاقاتیں میں عمرہ زائرین پر بات چیت کریں گے۔
تفصیلات کے مطابق وزیرمذہبی امورنور الحق قادری 7 روزہ دورے پر سعودی عرب روانہ ہوگئے ، دورے کے دوران وزیرمذہبی امور جدہ میں اسلامی کانفرنس میں شرکت کریں گے۔
وزیرمذہبی اموردورے میں سعودی حکام سےملاقاتیں کریں گے ، سعودی حکام کی ملاقاتیں شیڈول کاحصہ ہیں ، ملاقاتوں میں عمرہ زائرین پر سعودی حکام سے بات چیت کی جائے گی۔
امید ہے کہ سعودی حکام کی جانب سے عمرہ زائرین کے معاملے پر اچھی پیش رفت ہوگی۔
یاد رہے وفاقی وزیر مذہبی امور نورالحق قادری نے عمرہ خواہمشندوں کو اچھی خبر سناتے ہوئے کہا ہے کہ آئندہ 3 ، 2 ہفتے میں پاکستانی عازمین کیلئے بھی پابندیاں ختم ہو جائیں گی۔
بعد ازاں وزیراعظم کے معاون خصوصی علامہ طاہر اشرفی نے پاکستان کی مدد کرنے پر سعودی حکومت کا شکریہ ادا کرتے ہوئے کہا ہے کہ بہت جلد پاکستان سے بھی عمرہ زائرین اور فلائٹس کا سلسلہ شروع ہوگا۔
