ٹوکیو: ایک ماہ کے دوران میزائل کے 4 تجربات پر جاپانی وزیر دفاع کا ردعمل آ گیا، کشی نوبواو نے ایک بیان میں کہا کہ شمالی کوریا اپنی میزائل ٹیکنالوجی کو تیزی کے ساتھ بہتر بنا رہا ہے، جاپان اس کی بھرپور مذمت کرتا ہے۔
جاپان کے وزیر دفاع کِشی نوبُواو نے منگل کے روز کہا کہ گزشتہ دو ہفتوں میں شمالی کوریا کی جانب سے چار بار میزائل داغنا تجربے کی انتہائی بلند شرح ہے، شمالی کوریا اپنی میزائل ٹیکنالوجی کو تیزی کے ساتھ بہتر بنا رہا ہے۔
انھوں نے کہا پیانگ یانگ کی جانب سے بیلسٹک میزائلوں کا داغا جانا اقوام متحدہ کی سلامتی کونسل کی قراردادوں کی خلاف ورزی ہے اور جاپان اس کی بھرپور مذمت کرتا ہے۔
جاپانی وزیر دفاع نے کہا شمالی کوریا کی طرف سے میزائل داغنے میں رازداری اور تیزی کا مطلب ہے کہ وہ اپنی صلاحیت کو بہتر بناتا جا رہا ہے، اس صلاحیت میں میزائل داغنے کی نشانیوں کی کھوج کو مشکل بنانا، متنوع طریقوں سے میزائل داغنا، اور اچانک حملہ شامل ہیں۔
North Korea fired two suspected short-range ballistic missiles from an airport in its capital city of Pyongyang, South Korea's military reported, the fourth test this month to demonstrate its expanding missile arsenal https://t.co/yTjaMXSyPV pic.twitter.com/SAqYSC7UhG
— Reuters (@Reuters) January 17, 2022
کِشی نے کہا کہ جاپان اور خطے کی سلامتی کے لیے جوہری اور میزائل ٹیکنالوجی میں شمالی کوریا کی تیز رفتار پیش رفت کو نظر انداز نہیں کیا جا سکتا۔
واضح رہے کہ جمعے کو شمالی کوریا نے اس ماہ اپنے چوتھے ہتھیاروں کے تجربے میں دو مشتبہ مختصر فاصلے تک مار کرنے والے بیلسٹک میزائل سمندر میں داغے ہیں، جاپان کا کہنا ہے کہ میزائل جاپانی سمندر میں گرے، جسے کوریا میں مشرقی سمندر کہا جاتا ہے۔
