شمالی کوریا کے سربراہ کِم جونگ کا اہم بیان سامنے آیا ہے، جس میں اُن کا کہنا ہے کہ جوہری ہتھیاروں کی تعداد میں اضافہ کریں گے۔
غیر ملکی ذرائع ابلاغ کے مطابق شمالی کوریا کے سربراہ کِم جونگ نے ایک تقریب سے خطاب کرتے ہوئے کہا کہ ان کا ملک اب جوہری ہتھیاروں کی تعداد میں تیزی سے اضافے کے لیے جوہری طاقت کی تعمیر کی پالیسی پر عمل پیرا ہے۔
شمالی کوریا کے سربراہ کا مزید کہنا تھا کہ شمالی کوریا کو جوہری صلاحیت اور ریاست کے تحفظ کے حقوق کو یقینی بنانے کے لیے اپنی تیاریوں کو مزید بہتر کرنے کی ضرورت ہے۔
انہوں نے کہا کہ امریکا اور اس کے اتحادیوں کی طرف سے لاحق خطرات کا سامنا کرنے کے لیے ایک مضبوط فوجی طاقت کی ضرورت ہے۔
اس سے قبل شمالی کوریا کے حکمراں نے سیلاب سے قبل حفاظتی انتظامات نہ کرنے پر 30 افسران کو پھانسی پر لٹکادیا۔
رپورٹ کے مطابق شمالی کوریا میں چند ماہ قبل آنے والے خوفناک سیلاب کے باعث 4 ہزار لوگوں کی جان چلی گئی تھی اور بڑی تعداد میں گھر تباہ ہو ئے تھے۔
شمالی کوریا جانے والے غیرملکیوں کیلئے اہم خبر
واضح رہے کہ بعض ممالک میں پھانسی کی سزا دینے کی روایت ہے ہی نہیں، جبکہ شمالی کوریا میں سیلاب کے نام پر 30 افسروں کو پھانسی پر لٹکائے جانے سے پوری دنیا حیرانی میں مبتلا ہوگئی ہے۔
