شمالی کوریا کی جانب سے بھیجا گیا کچرے سے بھرا غبارہ جنوبی کوریا کے صدارتی کمپاؤنڈ میں گر کرپھٹ گیا۔
غیر ملکی میڈیا رپورٹ کے مطابق شمالی کوریا کی طرف سے آنے والا ایک غبارہ صدارتی کمپاؤنڈ میں آ کر پھٹ گیا جس کے باعث علاقے کے بڑے حصے میں کچرا پھیل گیا۔
جنوبی کوریا کی صدارتی سیکورٹی سروس کے مطابق کچرے میں کوئی مہلک چیز نہیں پائی گئی اور نہ ہی غبارہ پھٹنے سے کوئی نقصان ہوا۔
واضح رہے کہ گزشتہ کچھ عرصے کے دوران شمالی کوریا کی طرف سے جنوبی کوریا میں کچرے اور فضلے سے بھرا غبارہ بھیجنے کا یہ دوسرا واقعہ ہے۔
