شمالی وزیرستان: سرحد پار سے پاکستانی چیک پوسٹ پر حملے کی کوشش ناکام، 7 دہشت گرد ہلاک -
The news is by your side.

Advertisement

شمالی وزیرستان: سرحد پار سے پاکستانی چیک پوسٹ پر حملے کی کوشش ناکام، 7 دہشت گرد ہلاک

پاک فوج نے دہشت گردوں کے حملے کی کوشش ناکام بنادی

فاٹا: شمالی وزیرستان میں دہشت گردوں نے سرحد پار سے پاکستانی چیک پوسٹ پر حملے کی کوشش کی جسے پاک فوج نے ناکام بناتے ہوئے 7 دہشت گردوں کو ٹھکانے لگا دیا۔

پاک فوج کے شعبہ تعلقات عامہ (آئی ایس پی آر) سے جاری بیان کے مطابق دہشت گردوں نے سرحد پار سے شمالی وزیرستان میں موجود پاکستانی چیک پوسٹ کو نشانہ بنانے کی کوشش کی‘۔

آئی ایس پی آر کے مطابق پاک فوج کے جوانوں نے دہشت گردوں کے حملے کو پسپا کرتے ہوئے جوابی کارروائی کی جس کے نتیجے میں 7 دہشت گردوں ہلاک اور 3 زخمی ہوگئے۔

مزید پڑھیں: شمالی وزیرستان میں شہید جوانوں کی نماز جنازہ، آرمی چیف کی شرکت

واضح رہے کہ 23 ستمبر کو سیکیورٹی فورسز کو خفیہ اطلاع موصول ہوئی تھی کہ شمالی وزیرستان میں 9 دہشت گرد موجود ہیں، وطن کی حفاظت پر مامور جوانوں نے لمحے بھر بھی دیر نہ کیا اور آپریشن کا آغاز کیا۔

دہشت گردوں نے سیکیورٹی فورسز پر فائرنگ کی جس کے نتیجے میں کپیٹن سمیت پاک فوج کے 7 اہلکار شہید ہوئے جن کی شناخت کیپٹن جنید، حوالدار عامر، حوالدار عاطف، حوالدار ناصر، حوالدار عبد الرزاق، سپاہی سمیع اور سپاہی انور کے ناموں سے ہوئی تھی۔

سیکیورٹی فورسز کی جوابی فائرنگ میں 9 دہشت گرد ہلاک ہوئے، پاک فوج کے جوانوں نے علاقے کو آپریشن کے بعد کلیئر کروالیا تھا۔

یاد رہے کہ پاکستان نے دہشت گردوں کی افغانستان سے نقل و حرکت روکنے کے لیے شمالی وزیرستان میں باڑ لگانے کا کام شروع کیا ہوا ہے جس پر تیزی سے عمل جاری ہے۔

Comments

comments

یہ بھی پڑھیں