شمالی وزیرستان میں بارودی سرنگ کا دھماکا، 6اہلکار شہید، آئی ایس پی آر

راولپنڈی : شمالی وزیرستان میں بارودی سرنگ کے دھماکے میں ایک افسر سمیت6 جوان شہید ہوگئے۔

مارد وطن پر بہادر سپوتوں نے اپنی جان قربان کر دی، سرحدوں کی حفاظت پر مامور  پاک فوج کے چھ جوان دھماکے میں شہید ہوگئے۔

پاک فوج کے شعبہ تعلقات عامہ آئی ایس پی آر کے مطابق شمالی وزیرستان میں رزمت کےقریب بارودی سرنگ میں زور دار دھماکا ہوا جس کے نتیجے میں ایک افسر سمیت 6جوان موقع پر ہی شہید ہوگئے۔

آئی ایس پی آر کے مطابق شہید ہونے والوں میں 24 سالہ کیپٹن عمر فاروق بھی شامل ہیں، اس کے علاوہ  نائب صوبیدار ریاض احمد، نائب صوبیدار شکیل آزاد، نائب صوبیدار یونس خان، نائیک محمد ندیم اور لانس نائیک عصمت اللہ شامل ہیں۔

Comments