شمالی وزیرستان میں عیدک پُل کے قریب حساس ادارے، سی ٹی ڈی پردہشتگردوں کی فائرنگ ہوئی جس میں زیر حراست تین ملزمان ہلاک ہوگئے۔
اے آر وائی نیوز کے مطابق شمالی وزیرستان میں عیدک پُل کے قریب حساس ادارے، سی ٹی ڈی پردہشتگردوں کی فائرنگ ہوئی جس میں زیر حراست تین ملزمان ہلاک ہوگئے جب کہ آپریشن کے دوران حساس ادارے کا نوجوان بھی زخمی ہوا۔
سی ٹی ڈی کا کہنا ہے کہ یہ واقعہ اس وقت پیش آیا جب اہم ملزمان کو میرانشاہ سے بنوں منتقل کیا جا رہا تھا۔ دہشتگردوں کی فائرنگ سے زیر حراست تین ملزمان ہلاک ہوگئے جب کہ دوران آپریشن حساس ادارے کا ایک نوجوان بھی زخمی ہوا ہے۔
سی ٹی ڈی کے مطابق فائرنگ کے بعد سرچ آپریشن کے دوران ایک حملہ آور کی لاش ملی جس سے کلاشنکوف، تین میگزین اور 60 گولیاں برآمد کی گئی ہیں۔
ہلاک دہشتگرد سی ٹی ڈی اور حساس ادارے کو سنگین مقدمات میں مطلوب تھا جب کہ دیگر حملہ آور رات کی تاریکی کا فائدہ اٹھا کر فرار ہونے میں کامیاب ہوگئے۔
