شوال : شمالی وزیرستان کی تحصیل شوال میں وین بم دھماکہ ہوا ہے جس کے نتیجے میں سے 11افراد جاں بحق ہوگئے ہیں۔
تفصیلات کے مطابق شمالی وزیرستان تحصیل شوال میں گل میرکوٹ کے قریب وین میں ہونے والے دھماکہ کے نتیجے میں 11 افراد جاں بحق ہوگئے ہیں۔
ہلاک ہونے والے افراد پیشے کے اعتبار مزدور ہیں جبکہ زخمیوں کی حالت بھی تشویشناک ہے۔ اطلاع ملتے ہیں پولیس اور امدادی رضاکار جائے وقوعہ پر پہنچ گئے۔
نمائندہ اے آر وائی نیوز حاجی پذیر گل کے مطابق پاک افغان سرحد کے قریب گل میرکوٹ کی شاہراہ پر ایک گاڑی میں تقریباً 16 مزدور جارہے تھے کہ نامعلوم دہشت گردوں کی جانب سے سڑک کے کنارے نصب بم کے قریب پہنچتے ہی زو دار دھماکہ ہوگیا
دھماکے کے نتیجے میں 11افراد نے موقع پر ہی دم توڑ دیا جبکہ دو افراد زخمی ہوگئے جنہیں طبی امداد کیلیے قریبی اسپتال روانہ کیا گیا، واقعے میں تین مزرودوں کے لاپتہ ہونے کی اطلاعات ہیں، سیکورٹی فورسز نے علاقے کو گھیرے میں لے کر سرچ آپریشن کا آغاز کردیا ہے۔
