لندن: پاکستان نے ٹور میچ میں نارتھمپٹن شائر کو 8 وکٹوں سے باآسانی شکست دے دی، فخر زمان نے شاندار سنچری اسکور کی۔
تفصیلات کے مطابق پاکستان نے دوسرے ٹور میچ میں نارتھمپٹن شائر کی جانب سے دیا جانے والا 274 رنز کا ہدف 2 وکٹوں کے نقصان پر 9 اوورز قبل ہی حاصل کرلیا، فخر زمان کی شاندار سنچری، امام الحق اور بابر اعظم نے نصف سنچریاں اسکور کیں۔
ہدف کے تعاقب میں اوپنرز فخر زمان اور امام الحق نے شاندار آغاز فراہم کیا، پاکستان کی پہلی وکٹ 157 رنز پر گری جب فخر زمان 101 رنز بنا کر آؤٹ ہوئے۔
امام الحق نے شاندار 71 رنز کی شاندار اننگز کھیلی، بابر اعظم نے 64 اور کپتان سرفراز احمد نے 30 رنز کی ناقابل شکست اننگز کھیلی۔
نارتھمپٹن کی جانب سے ہالینڈ اور بک ایک ایک وکٹ حاصل کرسکے۔
قبل ازیں دوسرے ٹور میچ میں نارتھمپٹن شائر کے خلاف کپتان نے ٹاس جیت کر پہلے بیٹنگ کا فیصلہ کیا اور مقررہ اوورز میں 6 وکٹوں کے نقصان پر 273 رنز بنا کر گرین شرٹس کو جیت کے لیے 274 رنز کا ہدف دیا۔
نارتھمپٹن کے لیوی کو محمد عامر نے بغیر کوئی رن بنائے پویلین روانہ کیا، دوسری وکٹ 48 رنز پر گری جب بی جے کرن 23 رنز بنا کر محمد حسنین کی گیند پر کلین بولڈ ہوگئے۔
Innings Break!
Pakistani bowlers restrict Northamptonshire to 273 for 6 in the tour match at Northampton. Time for batsmen to chase this down to win the second game on the bounce.#WeHaveWeWill
Photos by @K_AndrewsPhotos pic.twitter.com/3QhocasQih— Pakistan Cricket (@TheRealPCB) April 29, 2019
جے کوب نے ناقابل شکست 146 رنز کی اننگز کھیلی، ان کی اننگز میں 12 چوکے اور 6 چھکے شامل تھے، ویس کون سیلس 1 رنز بنا کر ریٹائرڈ ہرٹ ہوئے، تھرسٹن 25 رنز بنا کر حارث سہیل کا شکار بنے۔
پاکستان کی جانب سے محمد عامر، جنید خان، محمد حسنین، عماد وسیم، یاسر شاہ اور حارث سہیل نے ایک، ایک وکٹ حاصل کی۔
واضح رہے کہ پہلے ٹور میچ میں قومی ٹیم نے عماد وسیم کی شاندار سنچری کی بدولت کینٹ کاؤنٹی کو 100 رنز سے شکست دی تھی۔
