غزہ: وحشیانہ اسرائیلی حملوں میں اقوام متحدہ کی بیکریوں کو بھی نقصان پہنچا ہے، شمالی غزہ میں قائم تمام بیکریاں بند ہونے سے آٹا اور پانی ختم ہو گیا۔
تفصیلات کے مطابق اقوام متحدہ سے جاری ایک بیان میں کہا گیا ہے کہ شمالی غزہ میں آٹا اور پانی ختم ہونے کے باعث تمام بیکریاں بند ہو گئی ہیں، اسرائیلی فورسز کے حملوں میں شمالی غزہ میں متعدد بیکریوں کو نقصان بھی پہنچا ہے۔
یو این کے مطابق گزشتہ ایک ہفتے سے شمالی غزہ میں خوراک نہیں پہنچائی جا سکی ہے، جس سے صورت حال مزید سنگین ہو گئی ہے، جب کہ جنوبی غزہ میں صرف 9 بیکریاں جزوی طور پر کام کر رہی ہیں۔
Hundreds of Palestinians queuing outside a bakery in the #Gaza Strip – some of them for long hours – in the hope that they could have a chance to buy some bread after hundreds of bakeries across the territory were destroyed by Israeli airstrikes. pic.twitter.com/dCdWsAEvEP
— Quds News Network (@QudsNen) October 31, 2023
الجزیرہ کے مطابق غزہ کی وزارت داخلہ کا بھی کہنا ہے کہ شمالی غزہ میں تمام بیکریاں مسلسل اسرائیلی بمباری کے باعث اور ایندھن اور آٹے کی کمی کی وجہ سے بند ہو گئی ہیں۔
واضح رہے کہ محصور شہر غزہ کے باسیوں کے کھانے پینے کا زیادہ تر انحصار اقوام متحدہ کی قائم بیکریوں پر ہے، جہاں کھانے کی اشیا کے لیے طویل قطاریں لگتی ہیں، اس امید میں کہ غزہ والے اپنے بچوں کے لیے کھانے کو کچھ حاصل کر سکیں گے۔
