بھارتی کرکٹ ٹیم کے بیٹر شبھمن گل نے سارہ علی خان کو چھوڑ کر ایک اداکارہ کا اپنا کرش قرار دے دیا۔
سوشل میڈیا پر بھارتی کرکٹر شبھمن گل اور بالی ووڈ اداکارہ سارہ علی خان کی ڈیٹنگ کی ویڈیوز وائرل ہوئی تھیں جس کے بعد بھارتی میڈیا نے بھی دعویٰ کیا تھا کہ شبھمن گل اور سارہ علی خان ڈیٹنگ کررہے ہیں۔
یہی نہیں جنوری میں بھارت اور نیوزی لینڈ کے درمیان کھیلے گئے تیسرے ون ڈے میچ میں کرکٹر شبھمن گل کے لیے اسٹیڈیم میں ’سارہ بھابھی کیسی ہو‘ کے نعرے لگ گئے تھے۔
View this post on Instagram
شبھمن گل نے کیویز کیخلاف شاندار سنچری اسکور کی تھی تاہم جب وہ فیلڈنگ کررہے تھے تو انہیں دیکھ کر اسٹینڈ میں موجود مداحوں کی جانب سے سارہ بھابھی کیسی ہو کے نعرے لگے تھے۔
تاہم بھارتی کرکٹر شبھمن گل نے حالیہ انٹرویو میں سارہ علی خان کو چھوڑ کر رشمیکا مندانہ کو اپنا کرش قرار دیا ہے۔
جب کرکٹر سے ان کے کرش کے بارے میں پوچھا گیا تو پہلے تو وہ ہنس پڑے اور سوال کا جواب گول مول کرنے کی کوشش کی، تاہم جب دوبارہ ان سے یہی پوچھا گیا تو انہوں نے جواب میں اداکارہ رشمیکا مندانہ کا نام لیا۔
بھارتی کرکٹر سے سوال کیا گیا کہ بالی ووڈ کی سب سے فٹ اداکارہ کونسی ہیں؟ تو اس کے جواب میں انہوں سارہ علی خان کا نام لیا۔