The news is by your side.

Advertisement

بھارت میں پرتشدد کاروائیوں پرراہول گاندھی نے ’مودی سرکار‘ کو لتاڑدیا

نئی دہلی: بھارتی کانگریس کے نائب صدر راہول گاندھی نے بی جے پی کی حکومت کو ملک میں جاری تشدد کی لہر پرشدید تنقید کا نشانہ بنایا ہے۔

راہول گاندھی نے انڈٰین نیشنل پارلیمنٹ میں خطاب کرتے ہوئے کہا کہ حکومت ملک میں عدم تشدد کی پالیسی کو فروغ دے۔

انہوں نے یہ بھی کہا کہ حکومت پاکستان کے تجربے سے سبق سیکھے اورتحمل کے ساتھ عوام کی آوازسنے، عوام کو گلے سے لگائے۔

ان کا کہنا تھا کہ مہاتما گاندھی نے عام آدمی کو بولنے کا اختیاردیا جب کہ پاکستان میں عوام کو دبایا گیا جس کے اثرات سب کے سامنے ہیں۔

انہوں نے بھارتی وزیرمملکت برائے خارجہ امورجنرل دی کے سنگھ کو بھی خوب لتاڑا جنہوں نے بھارت میں مارے جانے والے دو دلت بچوں کے قتل کو مبینہ طور پر پسند کیا تھا۔

راہل گاندھی کا کہنا تھا کہ امبیدکر نے اپنی پوری زندگی آئن بنانے میں صرف کردی کہ دلتوں کو اس طرح قتل نہ کیا جاسکے، پھر بھارتی وزیراعظم کس طرح کسی ایسے شخص کو وزیر رکھ سکتے ہیں جو کہ ایسے اقدامات کی تائید کرے۔

انہوں نے بھارت میں تشدد کے بڑھتے ہوئے واقعات پر بھارتی وزیراعظم نریندرمودی کو بھی شدید تنقید کا نشانہ بنایا۔

Print Friendly, PDF & Email

Comments

comments

یہ بھی پڑھیں