سندھ حکومت کی جانب سے عاشورہ کے سلسلے میں 2 دن کی تعطیلات کا نوٹیفکیشن جاری کردیا گیا ہے۔
حکومت سندھ نے محرم الحرام کی نویں اور دسویں تاریخ کی مناسبت سے 2 دن کی تعطیلات کے نوٹیفکیشن کا اجرا کیا ہے جس کے تحت 16 اور 17 جولائی یعنی بروز منگل اور بدھ کو عام تعطیل ہوگی۔
اس سے قبل وفاقی حکومت کی جانب سے بھی یوم عاشورہ کے حوالے سے 16 اور 17 جولائی کو عام تعطیل کا اعلان کیا گیا تھا۔
وفاقی حکومت نے 9 اور 10 محرم کو تعطیل کا اعلان کیا، وزیراعظم شہبازشریف نے 16 اور 17 جولائی کو عام تعطیل کی منظوری دی۔
وزیراعظم شہبازشریف کی منظوری کے بعد کابینہ ڈویژن نے نوٹیفکیشن جاری کردیا گیا ہے، جس میں کہا ہے کہ تعطیلات کے دوران تمام نجی و سرکاری دفاتر بند رہیں گے۔
واضح رہے نیا اسلامی سال اور ماہ شروع ہوتے ہی ملک بھر میں شہدا کربلا کی یاد میں مجالس اور جلوسوں کا اہتمام کیا جاتا ہے جبکہ وفاقی و صوبائی حکومتیں سیکیورٹی کے خصوصی اقدامات کرتی ہیں۔
