The news is by your side.

Advertisement

لندن: 1 لاکھ 40 ہزار روپے کا دنیا کا مہنگا ترین کیلا

لندن : دنیا میں ہیرے جواہرات کو سب سے مہنگی اشیاء سمجھا جاتا ہے لیکن برطانوی خاتون کو آن لائن خریداری کرنے پر اشاریہ 11 پاؤنڈ کے ایک کیلے کے عوض 930 پاؤنڈ کی خطیر رقم ادا کرنی پڑی۔

تفصیلات کے مطابق برطانوی شہر نوٹنگھم کی رہائشی خاتون کے ساتھ چند روز قبل ایک ایسا واقعہ پیش آیا، جس سے انہیں صدمہ بھی پہنچا اور حیرانی بھی ہوئی، جب انہوں نے سپر مارکیٹ سے منگوائے گئے سامان کی سلپ پر کیلے کی قیمت 930 پاؤنڈ دیکھی۔

نوٹنگھم میں رہائش پذیر خاتون بوبی گورڈن نے آن لائن سامان آڈر کیا تھا جس میں ایک کیلا بھی شامل تھا، کیلا تو گھر پر آگیا لیکن ان کے کریڈیٹ کارڈ سے سپر مارکیٹ نے 930 پاؤنڈ (تقریباً 1 لاکھ 40 ہزار پاکستانی) کی بھاری رقم چارج کرلی۔

بوبی گورڈن کا کہنا تھا کہ ’میں سپر مارکیٹ کا بل دیکھ کر دنگ رہی گیی، لیکن پھر میرے شوہر نے کہا کہ شائد سپرمارکیٹ کے عملے نے غلطی سے ایسا کردیا ہو، لیکن جب بنیک کی جانب سے 1 ہزار پاؤنڈ چارج ہونے کا پیغام موصول ہوا تو میں نے مارکیٹ کے فراڈ پر شکایت درج کروانے کا فیصلہ کیا۔‘

ان کا کہنا تھا کہ ’میں سماجی رابطے کی ویب سایٹ ٹویٹر پر برطانوی نشریاتی ادارے اور مذکورہ سپر مارکیٹ کو مخاطب کرکے غصّے میں کہا کہ ’ایک کیلے کو ڈیلیور کرنے کی قیمت 930 پاؤنڈ کب سے ہوگئی‘۔

متاثرہ خاتون بوبی گورڈن کی شکایت پر کریڈٹ کارڈ کمپنی کے فراڈ ڈپارٹمنٹ نے سپر مارکیٹ کی ادائیگی روک کر سپر مارکیٹ سے بل کے معاملے پر فوری رابطہ کیا۔

کریڈیٹ کارڈ کمپنی کی جانب سے رابطہ کرنے پر سپر مارکیٹ کے عملے نے بل پر نظر ثانی کرنے کے بعد اپنے بیان میں کہا کہ کمپنی معذرت خواہ ہے ’دراصل کمپیوٹر سے غط ہوگئی‘ تھی۔

سپر مارکیٹ کے ترجمان کا کہنا تھا کہ ’ اگرچہ ہماری سپر مارکیٹ کے کیلے بہت عمدہ اور خالص ہیں اتنے مہنگے ابھی نہیں ہوئے‘۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں