پیرس : سربیائی ٹینس اسٹار نوواک یوکووچ نے پہلی مرتبہ فرنچ اوپن کا ٹائٹل جیت لیا ہے۔ وہ دنیائے ٹینس کے تیسرے کھلاڑی ہیں جنہیں بیک وقت چار گرینڈ سلیم کا ٹائٹل جیتنے کا اعزاز حاصل ہے۔
تفصیلات کے مطابق رواں سال کے پہلے گرینڈ سلیم فرنچ اوپن کا پیرس میں سجا میلہ ختم ہوگیا، فائنل میں دو بہترین کھلاڑیوں کے درمیان معرکہ ہوا۔
اینڈی مرے نے پہلے سیٹ چھ تین سے جیتا۔ عالمی نمبر ایک نواک یوکووچ نے ہمت نہ ہاری اور ایسا کھیل پیش کیا کہ یکے بعد دیگرے تین سیٹس جیت کر پہلی مرتبہ فرنچ اوپن کا ٹائٹل جیت لیا۔
سربیائی ٹینس اسٹار کو بیک وقت چار گرینڈ سلیم ٹائٹل اپنےنام کرنے کا اعزاز حاصل ہے۔ وہ ٹینس کی تاریخ کے آٹھویں کھلاڑی بھی ہیں جنہوں نے تمام گرینڈ سلیم ٹائٹل جیتے ہیں۔
