خیبر پختونخوا کے شہر نوشہرہ میں جی ٹی روڈ کی حدود میں ملزمان نے ایکسائز موبائل اسکواڈ پر فائرنگ کر دی جس کے نتیجے میں تین اہلکار جاں بحق ہوگئے۔
پولیس حکام نے بتایا کہ ایکسائز موبائل اسکواڈ پر فائرنگ کا واقعہ ہفتہ اور اتوار کی درمیانی شپ 2 بجے پیش آیا جس میں ابتدائی طور پر دو اہلکار کانسٹیبل افتخار اور کانسٹیبل مجاہد جاں بحق ہوئے۔
فائرنگ میں ڈرائیور شبیر خان بھی زخمی ہوا تھا جو بعد میں جانبر نہ ہو سکا۔ پولیس نے واقعے کا مقدمہ درج کر کے قانونی کارروائی شروع کر دی۔
جاں بحق دو اہلکاروں سمیت ڈرائیور کی نماز جنازہ ادا کر دی گئی جس میں آئی جی خیبر پختونخوا، سی سی پی او قاسم خان سمیت ایکسائز حکام نے شرکت کی۔
نماز جنازہ پولیس لائن پشاور میں ادا کی گئی۔
