عبوری چیف سلیکٹر شاہد آفریدی نے کہا ہے کہ قومی ٹیم کے کپتان بابراعظم کو مثبت اور تگڑی کرکٹ کھیلنے کا مشورہ دیا ہے۔
تفصیلات کے مطابق عبوری سلیکشن کمیٹی اور ٹیم مینجمنٹ کےدرمیان میٹنگ ہوئی جس میں نیوزی لینڈ کیخلاف ون ڈے اسکواڈ پر تبادلہ خیال کیا گیا۔
میٹنگ میں کپتان بابراعظم، ہیڈکوچ ثقلین مشتاق، عبوری چیف سلیکٹرشاہدآفریدی، عبدالرزاق، راؤ افتخار اور ہارون رشید بھی موجود تھے۔
The interim selection committee chaired by Shahid Afridi held a meeting with Pakistan captain Babar Azam and head coach Saqlain Mushtaq pic.twitter.com/AxTR5h91mw
— Pakistan Cricket (@TheRealPCB) January 1, 2023
میٹنگ کے بعد گفتگو کرتے ہوئے شاہد آفریدی نے کہا کہ بابراعظم کومثبت کرکٹ کھیلنےکامشورہ دیاہے مثبت کرکٹ ہوگی توشائقین گراؤنڈ میں آئیں گے بابراورثقلین نےکافی اچھاجواب دیاہے۔
شاہدآفریدی نے کہا کہ پچز اچھی ہوں گی تو ہماری کرکٹ آگے بڑھےگی جب یہاں اچھی پچزپرکھیلیں گے تو باہر جاکر کھیلنے میں بھی آسانی ہوگی حتمی اسکواڈ کیلئےٹیم مینجمنٹ اور سلیکشن کمیٹی ایک پیج پرہیں۔