اسرائیلی فورسز کی جاب سے غزہ میں عام شہریوں پر کی جانے بمباری آٹھویں روز میں داخل ہوگئی، غزہ پر بمباری کے نتیجے میں اب تک شہداء کی تعداد2ہزار215 ہوگئی ہے۔
تازہ ترین اطلاعات کے مطابق غزہ پر اسرائیلی بمباری سے گزشتہ24گھنٹے میں320فلسطینی شہید جبکہ 8714 زخمی ہوئے۔
اقوام متحدہ کے ادارے یونیسیف نے ایک بیان میں بتایا ہے کہ غزہ میں اب تک اسرائیلی حملوں کے نتیجے میں 700بچے ہلاک ہوچکے ہیں۔
غیرملکی خبر رساں ادارے کا کہنا ہے کہ لبنان کی جنوبی سرحد پر حزب اللہ اور اسرائیلی فوج میں شدید جھڑپیں ہوئی ہیں، اسرائیلی فوج کی جانب سے گولہ باری کیلئے ٹینکوں کا استعمال کیا گیا۔
خبر ایجنسی کے مطابق حزب اللہ کی جانب سے اسرائیلی سرحدی فوجی تنصیبات کو نشانہ بنایا جارہا ہے، غزہ میں اقوام متحدہ کے مہاجرین کیمپ محفوظ نہیں رہے۔
دوسری جانب حزب اللہ ترجمان نے دعویٰ کیا ہے کہ شیبا فارمزمیں قابض صیہونی افواج کی تنصیبات پرحملےکیے گئے ہیں، اسرائیلی فوجی تنصیبات کو گائیڈڈ میزائلوں اور مارٹر گولوں سے نشانہ بنایا گیا۔
