بھارتیہ جانتہ پارٹی (بی جے پی) رہنما نوپور شرما کے گستاخانہ بیان پر شوبز ستارے بھی بھڑک اٹھے۔
حال ہی میں بی جے پی خاتون سیاست دان نوپور شرما نے گستاخانہ بیان دیا جس پر عمان کے مفتی اعظم کی جانب سے بھارت پر تجارتی پابندی عائد کرنے کا مطالبہ کیا گیا اور پاکستان سمیت دیگر مسلم ممالک نے بھی اس پر برہمی کا اظہار کیا ہے۔
قومی شوبز ستارے بھی اس معاملے پر چپ نہ رہ سکے اور نوپر شرما کو شدید تنقید کا نشانہ بنا ڈالا۔
Laaaaanat 🤮👺🖐🏾🖐🏾🖐🏾 pic.twitter.com/f4qSA4Pj1f
— Shaan Shahid (@mshaanshahid) June 6, 2022
معروف اداکار شان شاہد نے نوپر شرما کی تصویر شیئر کرتے ہوئے صرف ایک لفظ ’لعنت‘ لکھا۔
واضح رہے کہ سوشل میڈیا صارفین کی جانب سے بھی بی جی پے رہنما کے اقدام پر کڑی تنقید کی جارہی ہے اور بھارتی میڈیا کی رپورٹس کے مطابق نوپر شرما کی پارٹی رکنیت ختم کردی گئی ہے۔
