نیویارک: امریکی شہر نیویارک کے اسٹور میں چوری کے لیے کروڑوں روپے مالیت کی گاڑیوں میں آنے والے چوروں کی ویڈیو سوشل میڈیا پر وائرل ہوگئی۔
تفصیلات کے مطابق نیویارک کے گنجان آباد علاقے مین ہیٹن میں چوری کی انوکھی واردات پیش آئی، جس میں چوروں نے واردات کے لیے دو رولس راائس گاڑیوں کا استعمال کیا، واقعے کی ویڈیو سوشل میڈیا پر وائرل ہوگئی۔
چوری کی یہ انوکھی واردات مین ہیٹن میں جارج فلائیڈ کی ہلاکت پر مشتعل مظاہرین کو روکنے کے لیے لگائے گئے کرفیو کے دوران پیر کی رات 11 بجے پیش آئی۔
جسٹن ملر اور کیتھ فیلڈ مین کی جانب سے بنائی جانے والی ویڈیو میں دیکھا جاسکتا ہے کہ دو مہنگی گاڑیوں میں سے ماسک پہنے چور باہر نکلے اور اسٹور کے اندر داخل ہوئے، ویڈیو میں چوروں کو سامان کے باکسسز کے ساتھ باہر نکلتے بھی دیکھا جاسکتا ہے۔سوشل میڈیا پر وائرل ہونے والی ویڈیو میں ایک چور چلاتے ہوئے اپنے ساتھیوں سے کہہ رہا ہے جلدی کرو جلدی کرو۔
Looters are literally pulling up in nice cars and cleaning out stores in #Soho. What #Curfew? #RIOT #LootingIsNotProtesting #GeorgeFloyd #NYCPROTEST #NYCRiots #NYPD @NBCNewYork pic.twitter.com/DBnKsEqkpu
— Keith Feldman (@NBCproducer) June 2, 2020
مین ہیٹن میں واردات میں استعمال ہونے والی رولس راائس گاڑیوں کی قیمت 3 سے 5 لاکھ ڈالر تک بتائی جاتی ہے۔