کراچی: امریکی قونصل جنرل کے زیراہتمام قانون اور کرمنالوجی کے فارغ التحصیل طلبہ کے درمیان کمیونٹی پولیسنگ کے موضوع پرایک مباحثے کا اہتمام کیا گیا۔
امریکی قونصل خانے کی جانب سےجاری کردہ اعلامیے کے مطابق مباحثے کا انعقاد لیفٹیننٹ عدیل رانا اور نیویارک پولیس ڈیپارٹمنٹ سے تعلق رکھنے والے جاسوس ایلوس وکیلج نے کیا۔
لیفٹیننٹ رانا کا کہنا تھا کہ کراچی اورنیویارک دونوں گوناگوں خصوصیات کے حامل متنوع آبادی والے شہر ہیں اور دونوں شہروں کی پولیس کو ایک جیسے مسائل کا سامناہے۔
انہوں نے یہ بھی کہا کہ نیویارک پولیس ڈیپارٹمنٹ کمیونٹی پولیسنگ کے حوالے سے اپنے تجربات اپنے پاکستانی ہم منصبوں کے ساتھ شیئر کرنا چاہتے ہیں تا کہ پاکستانی افراد امریکیوں کے تجربے سے فائدہ اٹھا سکیں۔
رانا اوروکیلج کاتعلق نیویارک کی مسلم آفیسرز ایسوسی ایشن سے ہے اورانہیں نیویارک میں مقیم تارکین وطن کے حوالے سے وسیع تجربہ ہے۔
اعلامیے میں یہ بھی کہا گیا کہ دونوں افسران مسلمان امریکیوں کی مثبت چہرے کی نمائندگی کرتے ہیں۔
