نیویارک : امریکی اخبار نیویارک ٹائمز نے انکشاف کیا ہے بھارتی وزارتِ خارجہ میں بریفنگ کے بعد چار سفارتکاروں نے بھارتی عزائم سے پردہ اٹھا دیا اور بتایا بھارت کے پاس شواہد نہیں۔
تفصیلات کے مطابق پہلگام فالس فلیگ امریکی اخبار نیو یارک ٹائمز نے بے نقاب کر دیا، امریکی اخبار نے بھارت کےجنگی جنون پراہم رپورٹ جاری کی۔
جس میں بتایا کہ اندرونی خلفشارسےتوجہ ہٹانے کیلئےبھارت کی پاکستان کوجنگ کی دھمکیاں اور پہلگام فالس فلیگ آپریشن کےفوراً بعد بھارت نے پاکستان پر الزام لگادیا۔
نیو یارک ٹائمز کا کہنا تھا کہ مودی نے پاکستان کیخلاف اقدامات میں تعاون کیلئے درجنوں ملکی سربراہان سے رابطہ کیا۔
امریکی اخبار نے انکشاف کیا بھارت کشیدگی کم کرنے کے بجائے پاکستان کیخلاف فوجی کارروائی کا جواز تیار کررہا ہے۔
اخبار کے مطابق پہلگام واقعے کے بعد بھارت کی سوغیر ملکی مشنز کے سفارتکاروں کو بریفنگ بھارت غیر ملکی سفیروں کو بھی کوئی ایسا ثبوت نہیں دے سکا جو موجودہ حملے کو پاکستان سے جوڑ سکے، اسی لیے کہہ دیا کہ معلومات اکٹھی کرنے کے لیے مزید وقت درکار ہے۔
Pahalgam Attack and Aftermath
رپورٹ کے مطابق بھارتی وزارت خارجہ میں سفارتکاروں کو بریفنگ میں بھارت کو نشانہ بنانیوالوں کی حمایت کرنے پر پاکستان کو مورد الزام ٹھہرایا اور ساتھ ہی 1960 کے "انڈس واٹر ٹریٹی ” کو معطل کر دیا۔
اخبار نے لکھا ‘پہلگام واقعے کے بعد بھارت کی سوغیر ملکی مشنز کے سفارتکاروں کو بریفنگ بھارت غیر ملکی سفیروں کو بھی کوئی ایسا ثبوت نہیں دے سکا جو موجودہ حملے کو پاکستان سے جوڑ سکے۔ اسی لیے کہہ دیا کہ معلومات اکٹھی کرنے کے لیے مزید وقت درکار ہے۔’
مقبوضہ کشمیر میں حالیہ حملے کے بعد پاکستان کے خلاف فوجی کارروائی کے لیے راہ ہموار کرتا دکھائی دے رہا ہے، نیویارک ٹائمز نے یہ بھی واضح کیا کہ پانچ دن گزرنے کے باوجود بھارت نے اب تک کسی تنظیم کو باضابطہ طور پر حملے کا ذمہ دار نہیں ٹھہرایا اور نہ ہی پاکستان پر الزامات کے حق میں کوئی ثبوت پیش کیا ہے۔
دیگر ریاستوں نے بھارت سے ٹھوس شواہد پیش کرنےکامطالبہ کیا تاہم بھارت نےسفارتی تعلقات محدود کرکے عملےکوملک بدر ،ویزے منسوخ کئے۔
امریکی اخبار کا کہنا تھا کہ نریندر مودی کے لیے عسکری کارروائی کرنا ناگزیر ہو چکا ہے کیونکہ دوہزار سولہ اور دوہزار انیس میں پاکستان کے جوابی حملوں کے بعد مودی کے لیے قدم اٹھانا ممکن نہیں۔
رپورٹ کے مطابق بھارتی حکومت نےکشمیریوں کیخلاف کریک ڈاؤن تیز کیا، مقبوضہ کشمیر میں انسانی حقوق کی خلاف ورزیاں بڑھ گئیں، بھارت میں مسلم مخالف جذبات بھی شدت اختیار کر چکے ہیں اور بھارت میں کشمیری طلباکوہراساں کرنے کیساتھ بے دخل کیا جا رہا ہے۔
