نیوزی لینڈ نے بھارت کے خلاف وائٹ بال سیریز میں اپنے دو تجربہ کار کھلاڑیوں کو ڈراپ کر دیا۔
بلیک کیپس نے بھارت کے خلاف ٹی ٹوئنٹی اور ون ڈے سیریز کے لیے اسکواڈ کا اعلان کیا ہے جس کی قیادت کین ولیمسن کریں گے۔
ورلڈکپ اسکواڈ کا حصہ رہنے والے تجربہ کار مارٹن گپٹل اور فاسٹ بولر ٹرینٹ بولٹ کو بھارت کے خلاف سیریز سے باہر کر دیا گیا ہے۔
بھارتی ٹیم کے کونسے بڑے کھلاڑی ریٹائر ہونے جارہے ہیں؟ سابق انگلش کرکٹر نے بتادیا
مارٹن گپٹل کی جگہ جارحانہ بلے باز فن ایلن کو شامل کیا گیا ہے جو ورلڈکپ میں بھی ٹیم کا حصہ تھے۔ فن ایلن ون ڈے اسکواڈ کا حصہ بھی ہوں گے۔
ٹرینٹ بولٹ کو نیوزی لینڈ بورڈ کے سینٹرل کنٹریکٹ ختم کرنے پر شامل نہیں کیا گیا۔ کوچ گیری اسٹیڈ کا کہنا ہے کہ ٹرینٹ بولٹ اور مارٹن گپٹل کو باہر کرنے کا فیصلہ مشکل تھا۔
ان کا کہنا تھا کہ اگست میں جب بولٹ نے معاہدہ ختم کیا تو ہم نے فیصلہ کیا کہ ان کھلاڑیوں کو موقع دیا جائے گا جو سینٹرل یا ڈومیسٹک کنٹریکٹ میں شامل ہیں۔
واضح رہے کہ نیوزی لینڈ اور بھارت کے خلاف 3 ٹی ٹوئنٹی پر مشتمل سیریز کا آغاز 18 نومبر جمعہ سے ہو گا جب کہ تین میچوں کی ون ڈے سیریز 25 نومبر سے کھیلی جائے گی۔