ورجینیا: امریکی صدر براک اوبامانےداعش کوختم کرنےکےعزم کااظہار کرتےہوئے کہاہے کہ دہشتگردوں کی رسدکے راستے بند کردیے ہیں۔
امریکی ریاست ورجینیاکے شہرلینگلے میں سی آئی اے ہیڈکوارٹر میں انسداددہشتگردی سے متعلق اجلاس منعقد کیاگیا، اجلاس میں شرکت کےبعد میڈیا سے گفتگو میں امریکی صدر براک اوباما کا کہنا تھا کہ داعش کوختم کرکے ہی دم لیں گے۔
انکا کہنا تھا کہ دنیا داعش کو ختم کرنے کیلئے متفق ہے، داعش کےاہم رہنمایا تو پکڑےگئے ہیں یا ہلاک کردیےگئےہیں،صدر اوبامانےبتایاکہ داعش کےخلاف ابتک ساڑھے گیارہ ہزار فضائی حملےکیے جاچکے ہیں ۔
انکا کہنا تھا کہ اتحادی ممالک کےآپریشن کی وجہ سے داعش دفاعی پوزیشن میں آگئی ہے اورکوئی کامیاب جارحانہ کارروائی نہیں کرسکی ۔
انہوں نےبتایاکہ اتحادی ممالک عراق اورشام کے بعد داعش کا پیچھا اب لیبیامیں تعاقب کرنے کیلئے تیارہیں،اجلاس میں نائب صدر جوبائیڈن، وزیر خارجہ جان کیری اور قومی سلامتی کی مشیر سوسن رائس شریک تھیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں