spot_img

تازہ ترین

بانی پی‌ ٹی آئی نے صدر کے لیے کِسے نامزد کیا؟ نام سامنے آگیا

اسلام آباد : سنی اتحاد کونسل کی جانب سے...

ملک کا اگلا وزیراعظم کون ؟ فیصلہ کل ہوگا

اسلام آباد :پاکستان کے نئے وزیراعظم کا انتخاب کل...

کراچی میں بارش کے بعد سردی مزید بڑھ گئی

شہر قائد میں گزشتہ روز ہونے والی بارش کے...

کراچی میں موسلا دھار بارش کا کوئی امکان نہیں، چیف میٹرولوجسٹ

چیف میٹرولوجسٹ سردار سرفراز نے کہا ہے کہ کراچی...

ایاز صادق قومی اسمبلی کے اسپیکر منتخب

مسلم لیگ ن کے سردار ایاز صدیق قومی اسمبلی...

لڑکیاں موٹاپے سے نجات کیلئے کیا کریں؟

دنیا بھر میں موٹاپے کی وجہ سے لوگ صحت کے متعدد مسائل میں مبتلا ہوتے ہیں، ہمارے یہاں بھی موٹاپے کے باعث لڑکیاں اپنے مستقبل کے پیش نظر ذہنی پریشانی کا شکار ہوجاتی ہیں۔

موٹاپا نہ صرف ظاہری شخصیت کو تباہ کردیتا ہے بلکہ یہ امراض کی جڑ بھی ثابت ہوتا ہے کیونکہ اس سے ذیابیطس، بلڈپریشر، امراض قلب اور فالج غرض کہ لاتعداد بیماریوں کا خطرہ بھی بڑھ جاتا ہے۔

اے آر وائی ڈیجیٹل کے پروگرام گڈ مارننگ پاکستان میں ڈاکٹر بلقیس شیخ نے لڑکیوں میں موٹاپے کے علاج سے متعلق کچھ اہم مشورے دیئے اور اس کے علاج کے حوالے سے بھی آگاہ کیا۔

انہوں نے مشورے کیلیے آنے والی موٹاپے کی شکار ایک لڑکی کو بتایا کہ دنیا میں موٹاپا کم کرنے کی کوئی مخصوص دوا تو نہیں لیکن باقاعدہ ورزش اس کا بہترین حل اور علاج ہے۔

انہوں نے متاثرہ لڑکی کو ایک عمدہ مثال دیتے ہوئے کہا کہ آپ نے ناشتہ بادشاہوں کی طرح کرنا ہے دوپہر کا کھانا وزیروں کی طرح اور رات کا کھانا فقیروں کی طرح تھوڑا سا کھانا ہے۔

انہوں نے کہا کہ آپ نے رات کا کھانا اگر سات بجے کھایا ہے تو صبح کا ناشتہ 11 بجے کریں کیونکہ 12 گھنٹے بعد جسم کی چربی گُھلنا شروع ہوجاتی ہے۔

ڈاکٹر بلقیس شیخ نے ایک نسخہ بیان کرتے ہوئے بتایا کہ درمیانے سائز کی آدھی لوکی کاٹ کر اس کے چھوٹے چھوٹے ٹکڑے کرلیں اور اس میں دس سے بارہ عدد کڑی پتے ملا کر اسے بلینڈ کرلیں اور چھانے بغیر پورا گلاس پی لیں۔

اس کے آدھے گھنٹے بعد ناشتہ کریں جس میں ایک کپ بلیک کافی لیں جس میں تھوڑا سا دار چینی کا پاؤڈر اور کھوپرے کا تیل ملا لیں۔ ناشتہ کے بعد تیز قدموں سے چہل قدمی یعنی واک لازمی کریں۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوٹ : مندرجہ بالا تحریر معالج کی عمومی رائے پر مبنی ہے، کسی بھی نسخے یا دوا کو ایک مستند معالج کے مشورے کا متبادل نہ سمجھا جائے۔

Comments

- Advertisement -