نگراں وزیراعلیٰ پنجاب محسن نقوی کیخلاف درخواست پر رجسٹرارسپریم کورٹ نے اعتراضات عائد کردیے۔
رجسٹرار سپریم کورٹ نے اعتراضات لگا کر پی ٹی آئی درخواست واپس کر دی۔ تحریک انصاف نے نگراں وزیر اعلیٰ محسن نقوی کی تعیناتی کو چیلنج کیا تھا۔
رجسٹرار سپریم کورٹ نے اعتراضات میں لکھا کہ درخواست میں عوامی اہمیت بنیادی حقوق کےمعاملےکی نشاندہی نہیں کی گئی اور درخواست گزار نے متعلقہ فورم سے رجوع نہیں کیا۔
رجسٹرارسپریم کورٹ کے مطابق اسد عمر نے پارٹی کے سیکرٹری جنرل ہونے کو کوئی ثبوت نہیں دیا، آرٹیکل 248 کے تحت نگراں وزیراعلیٰ کو فریق نہیں بنایا جا سکتا درخواست کی تیاری میں غیر مناسب زبان کا استعمال کیا گیا۔
