مقبوضہ کشمیر: مسجد میں دھماکے سے دس نمازی زخمی ہوگئے۔
تفصیلات کے مطابق مقبوضہ کشمیر کے ضلع شوپیاں میں مسجد میں نمازِ فجر کے دوران دھماکہ ہوا، جس کے نتیجے میں دس نمازی زخمی ہوگئے، جنہیں طبی امداد کے لیے اسپتال منتقل کردیا گیا جبکہ ایک بم ناکارہ بنادیا گیا۔
دھماکا خیز مواد مسجد کے احاطے میں ایک دھاتی گلاس میں رکھا گیا تھا، نماز کی ادائیگی کے بعد ایک نمازی نے دھاتی گلاس کو اٹھایا تو وہ زوردار دھماکے سے پھٹ گیا، جس سے دس افراد زخمی ہو گئے جنہیں اسپتال منتقل کردیا گیاہے۔
پولیس نے مسجد کے احاطے سے ایک اور گرینیڈ برآمد کرکے اسے ناکارہ بنا دیا۔
