کشمیر میڈیا سروس نے مقبوضہ کشمیر میں بھارتی مظالم پر دل دہلا دینے والی رپورٹ جاری کر دی۔
کشمیری آج 77 واں’یوم الحاق پاکستان‘ منارہے ہیں اس موقع پر کشمیر میڈیا سروس نے مقبوضہ کشمیر میں بھارتی مظالم پر رپورٹ جاری کردی۔
کشمیر میڈیا سروس کی رپورٹ کے مطابق الحاق پاکستان کیلئے اب تک 4 لاکھ سے زائد کشمیریوں نے جانیں قربان کیں، بھارتی فورسز نے جنوری 1989 سے اب تک 96 ہزار 329 کشمیری شہید کیے۔
- Advertisement -
رپورٹ کے مطابق 7 ہزار 344 کشمیریوں کو جعلی مقابلوں اور زیر حراست شہید کیا گیا، بھارتی فورسز نے 8 ہزار کشمیریوں کو دوران حراست لاپتہ کیا۔
رپورٹ میں بتایا گیا ہے کہ جنوری 1989 سے اب تک 11 ہزار 264 خواتین کی بے حرمتی کی گئی، 1 لاکھ 10 ہزار 518 گھر، دکانیں اور دیگر عمارتیں تباہ کیں، بھارتی فورسز کے تمام ہتھکنڈوں کے باوجود کشمیریوں کے حوصلے بلند ہیں۔