آن لائن گیم ہارنے پر نوجوان نے اپنے گلے پر بلیڈ پھیر دیا

اڑیسہ: بھارتی ریاست اڑیسہ کے ایک علاقے میں آن لائن گیم ہارنے پر نوجوان نے دل برداشتہ ہو کر اپنے گلے پر بلیڈ پھیر دیا۔

بھارتی میڈیا رپورٹس کے مطابق اڑیسہ کے گاؤں جرنگ میں جمعہ کے روز ایک 24 سالہ نوجوان سومیا رنجن نائک نے بار بار آن لائن گیم میں ہارنے پر نہایت خوف ناک انتہائی قدم اٹھا لیا۔

پولیس حکام کا کہنا ہے کہ سومیا رنجن نائک آن لائن موبائل گیم کھیل رہا تھا، جس میں وہ تین بار ہار گیا، جس پر اس نے اپنا گلا تیز دھار بلیڈ سے کاٹ لیا، نوجوان کو شہر کٹک کے ایک اسپتال لے جایا گیا، جہاں اس کی حالت تشویش ناک بتائی جاتی ہے۔

لڑکے نے 50 روپے کی بریانی کے لیے مقتول کو 60 بار چاقو مارا

ابتدائی طور پر نوجوان کو اس کے والدین انگول سرکاری اسپتال لے گئے تھے، جہاں ڈاکٹروں نے اسے کٹک کے ایس سی بی میڈیکل کالج اسپتال منتقل کیا۔

Comments