بھارتی ریاست اڑیسہ کے وزیر صحت کو ایک پولیس اہلکار نے نامعلوم وجوہات کی بنا پر سینے میں دو گولیاں مار دیں اور فرار ہوگیا۔
بھارتی میڈیا کی رپورٹ کے مطابق ریاست اڑیسہ کے وزیر صحت نابا کشور داس کو گاندھی چوک کے نزدیک اے ایس آئی نے ان پر اُس وقت دو گولیاں ماریں جب وہ ایک تقریب میں شرکت کے لیے پہنچے تھے، واقعہ دوپہر ایک بجے پیش آیا۔
دو میں سے ایک گولی ان کے سینے میں لگی جس کے بعد انہیں تشویشناک حالت میں ہسپتال منتقل کردیا گیا تھا جہاں وہ زخموں کی تاب نہ لاتے ہوئے ہلاک ہوگئے۔
Odisha CM Naveen Patnaik consoles the son of Health Minister Naba Das who was shot at in Brajarajnagar, Jharsuguda district.
The state minister is under medical treatment at a private hospital in Bhubaneswar. pic.twitter.com/n5rOIpbnuj
— ANI (@ANI) January 29, 2023
عینی شاہدین کا کہنا ہے کہ وزیر صحت جیسے ہی اپنی گاڑی سے اترے ،حفاظت پر مامور پولیس اہلکار نے سرکاری پستول سے یکے بعد دیگرے دو گولیاں ان کے سینے میں اتار دیں۔
وزیر صحت کو انتہائی تشویش ناک حالت میں قریبی اسپتال منتقل کیا گیا جہاں طبیعت نہ سنبھلنے پر طیارے کے ذریعے بھونیشور لے جایا گیا جہاں ماہر ڈاکٹر کی زیر نگرانی پیچیدہ آپریشن کیا جا رہا ہے۔
پولیس ترجمان کا کہنا ہے کہ وزیر صحت پر فائرنگ کرنے والے اسسٹنٹ سب انسپکٹر کی شناخت گوپال داس کے نام سے ہوئی ہے۔ تاحال واقعے کے محرکات کا تعین نہیں ہوسکا تاہم مزید تحقیقات جاری ہیں۔
