پنجاب حکومت نے آج سے صوبے بھر کے لیے روٹی کی قیمت مقرر کر دی۔
وزیراعلیٰ پنجاب مریم نواز نے ٹوئٹ میں اعلان کیا کہ الحمدللہ پنجاب میں آج سے روٹی کی قیمت 16 روپے فی روٹی مقرر کر دی گئی ہے۔
انہوں نے کہا کہ صوبے کے تمام اضلاع میں محکموں کو ہدایت کر دی کہ فیصلے پر سختی سےعملدرآمد کرائیں۔
- Advertisement -
وزیراعلیٰ دعا کی کہ اللہ رب العزت عوام کیلئے مزید آسانی فرمائے آمین!
وزیراعلی ٰپنجاب کی ہدایت پر ڈی سی لاہور نے روٹی نان کی نئی قیمت کانوٹیفکیشن جاری کر دیا۔ 100 گرام روٹی کی قیمت 16روپے اور 120 گرام نان کی قیمت 20روپے مقرر کی گئی ہے۔
ڈی سی رافعہ حیدر کا کہنا ہے کہ گندم کی بہترفصل، رسد اور کے پیشِ نظر روٹی نان کی نئی قیمتوں کا تعین کیا گیا ہے۔
پاکستان بھر میں عام تندوروں پر روٹی 20 سے 25 روپے میں فروخت ہورہی ہے تاہم سرکاری طور پر روٹی کی قیمت مقرر نہیں کی گئی۔
