اسلام آباد: آفیشل سیکرٹ ایکٹ ترمیمی بل 2023توثیق کے لیے صدر مملکت کو ارسال کردیا گیا ، سینیٹ پہلے ہی بل کی منظوری دے چکا ہے۔
تفصیلات کے مطابق آفیشل سیکرٹ ایکٹ ترمیمی بل 2023 توثیق کے لیے صدر مملکت کو ارسال کردیا گیا ، پی آئی اے کارپوریشن ترمیمی بل 2023 بھی توثیق کے لیے صدر مملکت کو ارسال کیا گیا۔
سینیٹ پہلے ہی ان بلوں کی منظوری دے چکا ہے، گذشتہ روز آفیشل سیکرٹ ایکٹ ترمیمی بل دوہزارتئیس قومی اسمبلی نے کثرت رائے سے منظور کیا تھا۔
بل میں خفیہ ایجنسیز سے بغیروارنٹ گرفتاری یاچھاپےکااختیارواپس لےلیا گیا تھا تاہم بل میں کہا گیا تھا کہ ملکی مفاد کیخلاف معلومات یا دستاویز کا انکشاف کرنےوالابھی مجرم قرارپائےگا۔
بل میں کہنا تھا کہ ملک دشمن یاغیرملکی ایجنٹ کےساتھ رابطےمیں رہنےوالا،کوئی بھی شخص جوجرم پر اکساتا ہے،سازش یاارتکاب کی کوشش کرنےوالابھی سزاکامستحق ہوگا۔
بل کے مطابق جرم کےمرتکب فردکوتین سال قید،دس لاکھ جرمانہ یا دونوں سزائیں ہوں گی، مذکورہ جرائم پرخصوصی عدالت تیس دن میں فیصلہ کرے گی۔
