لاہور: پاکستان کرکٹ بورڈ (پی سی بی) کی جانب سے پی ایس ایل 6 کا آفیشل گانا ریلیز کردیا گیا۔
تفصیلات کے مطابق پاکستان سپر لیگ (پی ایس ایل) 6 کا آفیشل گانا ’آج دیکھا گا کراؤڈ میرا گروو ٹی وی پہ‘ ریلیز کردیا گیا جسے مداحوں کی جانب سے خوب سراہا جارہا ہے۔
آفیشل گانا گلوکارہ نصیبو لعل، آئمہ بیگ اور ینگ اسٹنرز نے گایا ہے۔
اس ترانے کی ویڈیو کو فدا معین نے ڈائریکٹ کیا ہے جبکہ چھ معروف کرکٹرز بھی ترانے کی آفیشل ویڈیو میں جلوہ گر ہوئے ہیں۔
ان کھلاڑیوں میں اسلام آباد یونائیٹڈ کے شاداب خان، ملتان سلطانز کے شان مسعود، لاہور قلندرز کے شاہین شاہ آفریدی، پشاور زلمی کے وہاب ریاض، کوئٹہ گلیڈی ایٹرز کے سرفراز احمد اور کراچی کنگز کے بابراعظم شامل ہیں۔
Celebrate the groove of our HBL PSL cricketers with the launch of the official #HBLPSL6 Anthem #GrooveMera
Watch full video on YouTube: https://t.co/bQueDfKnwq#MatchDikhao pic.twitter.com/jYaAFiV5ZS
— PakistanSuperLeague (@thePSLt20) February 6, 2021
واضح رہے کہ پی ایس ایل سیزن 6 میگا ایونٹ کا آغاز 20 فروری سے کراچی میں ہوگا، کراچی کنگز ٹائٹل کا دفاع کرے گی۔
پی سی بی نے پی ایس ایل کے ہر میچ کے لیے نیشنل کمانڈ اینڈ آپریشن سینٹر کو 12سے14ہزار شائقین کا پلان بھجوایا ہے۔ ممکنہ طور پر جلد غور کے بعد حکومت اس حوالے سے کوئی حتمی فیصلہ کرے گی۔
دوسری جانب پاکستان کرکٹ بورڈ (پی سی بی) نے پی ایس ایل کے چھٹے سیزن کی افتتاحی تقریب کے انعقاد کے لیے مختلف آپشنز پر غور شروع کردیا ہے۔
