اسلام آباد: پنجاب، خیبر پختونخوا، اسلام آباد کے صارفین کیلئے گیس سستی جبکہ سندھ، بلوچستان کےلیے گیس سستی کرنیکی منظوری دی گئی ہے۔
تفصیلات کے مطابق اوگرا نے سوئی سدرن، ناردرن کیلئے گیس نرخوں میں ردوبدل کی منظوری دیدی ہے، گیس نرخوں میں اضافے کی حتمی منظوری کیلئے سمری وفاقی حکومت کو ارسال کی جاچکی ہے، سوئی ناردرن کیلئے گیس 116 روپے 90 پیسے فی ایم ایم بی ٹی یو مہنگی کرنے کی منظوری دی گئی۔
اس کے علاوہ سندھ اور بلوچستان کے صارفین کے لیے گیس سستی کرنے کی منظوری دی گئی ہے، سوئی سدرن کیلئے گیس 103 روپے 95 پیسے فی ایم ایم بی ٹی یو سستی کرنے کی سفارش کی ہے۔
وفاقی حکومت کی منظوری کے بعد حتمی نوٹیفکیشن جاری کیا جائےگا، اوگرا نے کہا کہ سوئی ناردرن کے نرخ میں اضافہ آر ایل این جی کی درآمد میں اضافے کے باعث ہوا۔
اوگرا کی جانب سے گیس مینجمنٹ سے متعلق ایس این جی پی ایل کا معاملہ وفاق کوبھیجنے کی ہدایت کی گئی ہے۔
اوگرا نے وفاقی حکومت کو کیٹیگری کے لحاظ سے گیس کی قیمتیں مقرر کرنے کی سفارش کی ہے، اوگرا نے نرخوں کی سفارش مالی سال 2025-26 کے شارٹ فال کو مدنظر رکھ کرکی۔
