آئل اینڈ گیس ریگولیٹری اتھارٹی (اوگرا) نے سوئی ناردرن اور سوئی سدرن کے لیے گیس قیمتوں میں ردوبدل کی منظوری دے دی۔
اے آر وائی نیوز کے مطابق اوگرا نے سندھ اور بلوچستان کے لیے گیس قیمتوں میں کمی جبکہ پنجاب، خیبرپختونخوا اور اسلام آباد کے لیے اضافے کی سفارش کردی۔
سوئی سدرن نے 103 روپے 95 پیسے کمی اور سوئی ناردرن نے گیس 116 روپے 90 پیسے فی ایم ایم بی ٹی یو مہنگی کرنے کی منظوری دی۔
حکومت سے منظوری کے بعد اوگرا کی جانب سے نوٹیفکیشن جاری کیا جائے گا۔
سوئی نادرن کے لیے گیس قیمتوں میں اضافہ آر ایل این جی کی درآمد میں اضافے کے باعث ہوا، اوگرا نے گیس مینجمنٹ کے حوالے سے ایس این جی پی ایل کا معاملہ وفاقی حکومت کے سامنے رکھنے کی ہدایت بھی کی ہے۔
اوگرا نے وفاقی حکومت کو کیٹیگری وائز گیس کی قیمتیں مقرر کرنے کی سفارش کی ہے، قیمتوں کی سفارات کمپنیوں کی مالی سال 2025-26 کے شارٹ فال کو مدنظر رکھ کر ترتیب دی ہے۔
