The news is by your side.

Advertisement

ملک میں پیٹرول دستیابی پر اوگرا کا اہم بیان

اسلام آباد: آئل اینڈ گیس ریگولیٹری اتھارٹی(اوگرا) کا کہنا ہے کہ ملک میں پیٹرولیم مصنوعات کی وافر مقدار موجود ہے۔

تفصیلات کے مطابق پیٹرولیم مصنوعات کی قیمتوں میں اضافے کی افواہوں کے بعد مختلف شہروں میں شہریوں نے بڑی تعداد میں پیٹرول پمپس کا رخ کرلیا، جس کے بعد پمپمس پر گاڑیوں کی قطاریں لگ گئی اور کئی جگہ پر پیٹرول اور ڈیزل کا اسٹاک ختم ہونے کی اطلاعات سامنے آئی ہیں، تاہم اب اس حوالے اوگرا کا اہم بیان سامنے آیا ہے۔

اوگرا ترجمان کا کہنا ہے کہ ملک میں پیٹرولیم مصنوعات کی وافر مقدار  موجود ہے، پیٹرولیم مصنوعات کی قیمتیں نہیں بڑھائی جا رہی ہیں۔

ترجمان کا کہنا ہے کہ آئل کمپنیوں کو ہدایت کی ہے کہ پمپس پر پیٹرولیم مصنوعات کی فراہمی جاری رکھی جائے۔

دوسری جانب اپنے ٹوئٹر بیان میں مفتاح اسماعیل نے کہا کہ پری بجٹ سیمینار میں پٹرولیم قیمتوں سے متعلق کوئی بات نہیں کی آج پٹرولیم کی قیمتوں میں اضافہ نہیں کیا جا رہا ہے اور قیمتیں بڑھانےکےحوالےسےکوئی سمری یاکوئی پلان نہیں ہے۔

Comments

یہ بھی پڑھیں