اسلام آباد: اوگرا نے پٹرول 2روپے فی لیٹر سستا کرنے کی سفارش کردی ، وزیر اعظم کی منظوری کے بعد نئی قیمتوں کااعلان آج شام کوہو گا۔
تفصیلات کے مطابق پٹرولیم مصنوعات 2روپےفی لیٹرتک سستی ہونے کا امکان ہے ، پٹرولیم ڈویژن حکام کا کہنا ہے کہ اوگرا کی جانب سے پٹرولیم مصنوعات میں کمی کی سمری موصول ہوگئی ہے۔
حکام نے بتایا کہ سمری میں پٹرول 2روپے فی لیٹرسستا کرنے کی سفارش اور ڈیزل کی قیمت میں بھی2روپے کمی کی تجویز دی گئی ہے۔
پٹرولیم ڈویژن حکام نے کہا ہے کہ اوگراسمری میں پٹرولیم لیوی میں اضافہ نہ کرنے کی تجویز دی گئی تاہم قیمتوں میں کمی کی تجویز 15دن کیلئے ہیں۔
وزیر اعظم کی منظوری کے بعد نئی قیمتوں کااعلان آج شام کوہو گا ، کمی کےبعدپٹرول کی نئی قیمت 108.35 روپے اور ڈیزل کی قیمت کم ہو کر 111.08 روپے ہوجائے گی۔
گذشتہ ماہ حکومت نے پیٹرول کی قیمت میں ڈیڑھ روپے اور ڈیزل کی قیمتوں میں 3 روپے فی لیٹر کمی کا اعلان کیا تھا۔
