نیویارک: امریکی ریاست اوہائیو کی یونیورسٹی نے کتے کو ملازمت دے دی۔
سماجی رابطے کی ویب سائٹ ٹویٹر پر شری دوناوے نامی صارف نے ٹویٹ میں بتایا کہ تصویر میں نظر آنے والے کتے کا نام شیلوہ ہے جسے اسپتال میں انصاف رضاکار کے عہدے پر تعینات کیا گیا ہے۔
انہوں نے بتایا کہ کتے کو اسٹار پروگرام کے تحت بطور رضاکار ملازمت دی گئی۔
انہوں نے لکھا کہ ’میرے اسپتال نے ایک ایسے ملازم کو بھرتی کیا جس کا کام صرف یہ ہے کہ وہ دفتر میں موجود لوگوں کو اُس وقت جاکر ’ہائی‘ کرے جب وہ کام میں مصروف ہوں‘۔
سماجی رابطے کی ویب سائٹ پر یہ تصویر شیئر ہوئی تو دیکھتے ہی دیکھتے وائرل ہو گئی اور بہت سارے صارفین نے یونیورسٹی کے اقدام کو سراہا۔
My hospital hired an employee whose only job is to go around saying hi to other employees while they work pic.twitter.com/WWXNeEiWne
— Shari Dunaway, MD (@ShariDunawayMD) November 20, 2020
یونیورسٹی کی جانب سے شیلوہ کو ملازمت کا کارڈ بنا کر دیا گیا ہے جبکہ اُسے رہائش کے لیے کمرہ، دن میں تین وقت کھانا اور دیگر سہولیات بھی دی جائیں گی۔
