The news is by your side.

Advertisement

او آئی سی کا ہنگامی اجلاس: شاہ محمود قریشی ترکی روانہ

اسلام آباد: وزیرخارجہ شاہ محمود قریشی اسلامی تعاون تنظیم(او آئی سی) کے ہنگامی اجلاس میں شرکت کے لیے ترکی روانہ ہوگئے۔

تفصیلات کے مطابق نیوزی لینڈ میں مساجد پر حملوں کے تناظر میں او آئی سی کا ہنگامی اجلاس طلب کیا گیا ہے، شاہ محمود قریشی اجلاس سے خطاب بھی کریں گے۔

وزیرخارجہ اسلاموفوبیا سے متعلق مسلم دنیا کے سامنے موقف پیش کریں گے، شاہ محمود دورے کے دوران ترکی اور ایران کے وزرائے خارجہ سے ملاقاتیں بھی کریں گے۔

اوآئی سی کا ہنگامی اجلاس سانحہ نیوزی لینڈ کے بعد طلب کیا گیا، کئی مسلم ممالک سمیت دنیا بھر میں کرائسٹ چرچ حملوں کی شدید مذمت کی جارہی ہے۔

خیال رہے کہ نیوزی لینڈ کے شہر کرائسٹ چرچ میں دو مساجد پر دہشت گرد حملے کے بعد شہر میں پہلی نماز جمعہ آج ادا کی جائے گی۔

نیوزی لینڈ میں آج سانحے کی یاد میں دو منٹ کی خاموشی بھی اختیار کی جائے گی، بائیکر گینگ نمازیوں کی حفاظت کریں گے، شہر شہر مسجدوں کے باہر پہرہ دیں گے۔

دہشت گرد حملے کے بعد کرائسٹ چرچ میں پہلی نماز جمعہ آج ادا کی جائے گی

سانحہ کرائسٹ چرچ میں شہید سات پاکستانیوں کی میتیں ورثا کے حوالے کر دی گئی ہیں، نعیم رشید سمیت آٹھ شہدا کی تدفین آج نیوزی لینڈ میں ہوگی جب کہ اریب کا جسد خاکی پاکستان لایا جائے گا۔

Comments

comments

یہ بھی پڑھیں